तू मला पाहीले

तू मला पाहीले अन मी तुला
मी तुला पाहीले अन तू मला

तू मला पाहताच मी वळवते मान
मी तुझ्याकडे पाहताच तू वळवतोस  मान

चोर  चोरुनी पाहणे  आणि हृदयाचे धड धडणे
कारणे काढून फुकाची ,तुज जवळून जाणे

एकमेकांच्या डोळ्यात दिसली जरी तीच प्रतिमा
सांगता येत नाही ,फक्त लपत नाही लालिमा

रात्रीचा दिवस आणि दिवसाची रात्र
जोवरी तुला कळत नाही तोवरी हेच सत्र

कधी होशील माझा तू स्वप्नातील राजा
स्वप्नात फिरायचे आहे तुझ्याच,  हाती धरुनी हात माझा

सोनाली जोशी लिखितकर