लाइफ लाईन

लाइफ लाईन

दिसता तू मला
मनी पसरले चांदणे,
बोलता दोन शब्द माझ्याशी
जशी रुण झुणली पैंजणे.

पण माझ्या मनीचे राणी
सांगता येत नाही,
तू समोर येता
 बोलतो दुसरेच काही.

एकांती मी असता
असतात तुझ्याच स्मृती,
आता कशातच मला
वाटत नाही तृप्ती.

इतर प्रेमीजनांना
मी पूर्वी म्हणे वेडे,
पण माझ्या प्रेमाचे
मात्र आता  पडले कोडे.

तू ऑन लाईन असता
जसा मी चार्ज होतो,
तू ऑफ लाईन असता
जिंदगीचा चार्म जातो.

तुझ्या येण्या जाण्यातच
जातात रात्रंदिन,
कधी बनशील का ग
माझी लाइफ लाईन .........

सोनाली  लिखितकर